Nesër kryeministri i Kosovës, Albin Kurti, do të takohet me Këshillin Grevist të BSPK-së.
E për këtë çështje ka reaguar nënkryetarja e PDK-së, Vlora Çitaku.
Ajo krejt këtë e quajti dramë të panevojshme, por “më mirë vonë se kurrë”.
Sipas ish-ambasadores kosovare në ShBA, takimi i paraparë mes Kryeministrit dhe kryesindikalistit Jasharaj është i mirëseardhur.
“Në demokraci duhet bërë kompromis edhe nëse ke të drejtë 100%. Sot Kryeministri e takoi dhe e nderoi z. Faith, të cilin para pak vitesh e kishte quajtur kolonizator. Ma mirë vonë se kurrë. Kthjellu, Kryeministër”, shtoi ajo në një status në Facebook.