Kanë përfunduar të gjitha ndeshjet e programit të sotëm të Ligës së Kampionëve, ku kemi disa rezultate tejet interesante.
Pas plot 90’ minutave lojë të zhvilluara në stadiumin “Allianz Arena”, Bayern Munich ka shënuar fitore solide me rezultat 2:0 kundër Barcelonës, përcjell KosovaPress.
Lucas Hernandez (minuta e 50’) dhe Leroy Sane (minuta e 54’) ishin dy golashënuesit që ia siguruan gjigantit gjerman tre pikët e radhës në Ligën e Kampionëve.
Krahas kësaj ndeshje u zhvillua edhe një përballje tejet interesante mes Liverpoolit dhe Ajaxit, ku gjiganti anglez mezi e ka mposhtur kampionin e Holandës.
Fillimisht, rezultatin e zhbllokoi Mohamed Salah në minutën e 17’, kurse shifrat në 1:1 për Ajaxin i barazoi Mohammed Kudus në minutën e 27’. Kur shihej se ndeshja ishte drejt përfundimit me barazim, Joel Matip shënon gol në minutën e 89’ për t’ia siguruar Liverpoolit tre pikët e para në këtë edicion të Ligës së Kampionëve.
Po ashtu, ndeshje sot zhvilloi edhe skuadra e Atletico Madridit, e cila është mposhtur si mysafire me shifrat 2:0.
Të gjitha rezultatet e ndeshjeve të sotme në Ligën e Kampionëve i gjeni më poshtë.
Plzen 0:2 Inter
Sporting 2:0 Tottenham
Bayer Leverkusen 2:0 Atletico Madrid
Bayern Munich 2:0 Barcelona
FC Porto 0:4 Club Brugge
Liverpool 2:1 Ajax
Marseille 0:1 Eintracht Frankfurt