Kombëtarja e Kosovës U21 do të takohet me Kombëtaren e Shqipërisë, në kuadër të kualifikimeve për “Evropianin 2023” për grupmoshat U-21.
Ndeshja do të zhvillohet sot në stadiumin “Fadil Vokrri” me fillim nga ora 19:00.
Kosova e Shqipëria kthehen nga disfatat me rezultat 3:0. Kosova u mposht nga Çekia kurse Shqipëria nga Sllovenia.
Kjo do të jetë edhe ndeshja e fundit për këtë vit për ekipin e shpresave kurse kualifikimet do të vazhdojnë në mars të vitit të ardhshëm.
Kosova zë vendin e pestë në grup me vetëm tri pikë të fituara kurse Shqipëria është dukshëm më mirë ,me nëntë pikë duke u rradhitur e treta në grup.