Kryeministri Albin Kurti, i ka ftuar në takim liderët opozitarë.
Takimi do të mbahet të premten në orën 12:00.
Pjesëmarrjen tashmë e ka konfirmuar kryetari i AAK-së, Ramush Haradinaj.
Këtë e ka bërë të ditur për Paparacin, zëdhënësi i kësaj partie, Lulzim Blakaj.
“Po zotëri Haradinaj ka marrë ftesë, ai do të shkojë në takim”, ka thënë shkurt Blakaj.
Nuk dihen detajet se përse Kurti e ka thirrur një takim të tillë me opozitën.
Por që ky zhvillim pason nga vizita në Kosovë, e emisarit special amerikan për Ballkanin Perëndimor dhe çështje të tjera, Gabriel Escobar. /Paparaci/