Ambasadori i Shteteve të Bashkuara të Amerikës në Prishtinë, Jeffrey Hovenier, e ka quajtur “emocionues” adresimin e Sekretarit Amerikan të Shtetit, Antony Blinken, drejtuar pjesëmarrësve të Forumit Ndërkombëtar për Gratë, Paqen dhe Sigurinë, i mbajtur për herë të parë në Prishtinë nën patronatin e Presidentes Vjosa Osmani, shkruan Gazeta Online Reporteri.net.
Ambasadori Hovenier e ka falënderuar sekretarin Blinken për fjalimin e tij duke thënë se mënyra më e mirë për ta nderuar trashëgiminë e sekretares Albright është duke quar përpara parimet që përçon ky forum.
“Faleminderit Sekretarit Blinken për mesazhin e tij prekës gjatë sesionit kryesor të #ËPSRKS2022. Siç ndan Sekretari Blinken në mesazhin e tij, ne mund ta nderojmë më së miri trashëgiminë e Sekretares Albright duke avancuar parimet e GPS dhe duke qenë të vërtetë ndaj vlerave tona”, ka shkruar Hovenier në Twitter.
https://twitter.com/USAmbKosovo/status/1583866811275431936?ref_src=twsrc%5Etfw%7Ctwcamp%5Etweetembed%7Ctwterm%5E1583866811275431936%7Ctwgr%5E7e42c827d42aec37c2ba957817dd3ebc9a7a5e32%7Ctwcon%5Es1_&ref_url=https%3A%2F%2Freporteri.net%2Flajme%2Fhovenier-komenton-adresimin-e-blinken-ne-forumin-per-grate-paqen-dhe-sigurine-e-quan-emocionues%2F