Policia e Kosovës ka arrestuar një person pasi i njëjti dyshohet se ka dhunuar një të mitur.
Rasti siç njoftohet fillimisht ishte raportuar si person i zhdukur, raporton Paparaci.
“DHUNIM /Viti 26-28.10.2022 – NN. Në lidhje me rastin, me 28.10.2022 është arrestuar i dyshuari mashkull kosovar nën dyshimin se ka shfrytëzuar seksualisht viktimën femër kosovare e mitur. Rasti fillimisht ishte raportuar si person i zhdukur”, njofton Policia.
I arrestuari me vendim të prokurorit është dërguar në mbajtje.
“Në lidhje me rastin është konsultuar prokurori i shtetit me vendim të së cilit i dyshuari është dërguar në mbajtje, ndërsa viktima është dërguar në IML për ekzaminim mjekësor. Rasti vazhdon të hetohet”, shkruhet tutje në raport./Paparaci.com