Vokalisti i grupit Troja, Bujar Berisha, i është bashkuar Lëvizjes Vetëvendosje, shkruan Paparaci.
Kjo është bërë e ditur nga Albin Kurti nëpërmjet një postimi në Facebook, ku ky i fundit i ka uruar mirëseardhje Berishës.
Tutje ai ka shtuar se muzika dhe tekstet e rok bendit Troja dhe solistit Berisha ishin himn proteste.
Postimi i plotë:
Bujar Berisha, artist i kahmotshëm, këngëtar i rokut, e autor i teksteve frymëzuese të realitetit tonë që u kthyen në pasqyrë të vetëdijes qytetare. Tekste që nxisin kurajo e vullnet. Pra muzikë, himn proteste.
Skena e rokut te ne ishte e fuqishme gjatë viteve 1980 e deri në fund të viteve 90-ta, siç ishte edhe rezistenca jonë popullore ndaj shtypjes dhe dhunës së okupatorit. Bujari nuk qëndroi as neutral e as pasiv në atë kohë, as dy dekada më pas, e as sot.
Kohës duhet të ia dijmë vlerën, mbretnesha boll mirë na tregoi. Mirë se erdhe, Bujar./Paparaci.com