Policia e Kosovës ka dhënë detaje të reja për rastin e vdekjes së dyshimtë të një 60-vjeçari në Gjilan të martën.
Në njoftimin për media të Policisë së Kosovës, thuhet se në orët e para të mëngjesit është pranuar informata se në rrugë është gjendur një person i shtrirë.
Policia ka thënë se së bashku me ekipin e emergjencës kanë dal në vendin e ngjarjes, ku mjeku kujdestar ka konstatuar vdekjen e personit me iniciale A.G..
“Në vendin e ngjarjes po ashtu është gjetur një armë zjarri afër trupit të viktimës dhe sipas hetimeve të para dyshohet për rast vetëvrasje”, thuhet në njoftimin e policisë.
Hetimet janë duke vazhduar nga Njesia e Hetimeve Rajonale kurse trupi është dërguar për obduksion.