Kryeministri Albin Kurti gjatë një takimi sot me pjesëtarët e komunitetit kroat në Kosovë ka biseduar biseduan për nevojat e komunitetit, për promovimin e kulturës dhe përfshirjen në jetën publike në vend.
Në takim morën pjesë edhe ambasadorja e Kroacisë në Kosovë, Danijela Barishiq, zëvendëskryeministrja Emilia Rexhepi dhe këshilltarja për çështje të komuniteteve, Elizabeth Gowing.
Gjatë takimit u bisedua edhe për Vitin për persona me aftësi të kufizuara, të shpallur nga Qeveria, si dhe punën që bën Antigona Shestan nga komuniteti kroat, nga OJQ “Organizata e Personave me Distrofi Muskulare e Kosovës” për personat me nevoja të veçanta.
Në takim u bisedua edhe lidhur me projektin që ka mbështetur Zyra për Çështje të Komuniteteve brenda Zyrës së Kryeministrit, punën e përbashkët me komunitetin kroat në projekte kulturore, si dhe për punësimin e këtij komuniteti.
Gjithashtu, u fol edhe për fondet emergjente të Zyrës për Çështje të Komuniteteve, që janë ndarë për pjesëtarët e komunitetit kroat me kushte të vështira.