Pas debatit të mbrëmshëm, Parlamenti Evropian sot në seancën plenare në Bruksel votoi pro hyrjes së Kroacisë në zonën Shengen më 1 janar 2023.
534 deputetë votuan pro, 53 kundër dhe 25 abstenuan.
Ky nuk është ende vendimi përfundimtar. Atë e miraton Këshilli i Bashkimit Evropian, pra shtetet anëtare që vendosin unanimisht në mbledhje me dyer të mbyllura.
Pritet që ky vendim të përgatitet për mbledhjen e Këshillit të Ministrave të Brendshëm, që do të zhvillohet më 9 dhjetor.