Policia e Kosovës ka njoftuar se është arrestuar një person, pasi atij i është gjetur një sasi e vogël e substancës narkotike, që dyshohet të jetë marihuanë. Rasti ka ndodhur në Vushtrri dhe i dyshuari pas intervistimit është liruar.
“Është arrestuar i dyshuari mashkull kosovar pasi tek i njëjti është gjetur dhe sekuestruar një sasi e vogël me substancë të dyshuar narkotike e llojit marihuanë dhe një shufër metalike. Në lidhje me rastin është konsultuar prokurori i shtetit i cili ka rekomanduar që i dyshuari pas intervistimit të lirohet dhe rasti të procedohet në procedurë të rregullt”, thuhet në raportin e Policisë.