Portugalia e ka nisur në mënyrën më të mirë Kampionatin Botëror pasi shënoi fitore me rezultat 3:2 ndaj Ganës.
Ndonëse pjesa e parë u mbyll me barazim pa gola, gjithsej pesë gola u shënuan në të dytën.
Cristiano Ronaldo zhbllokoi rezultatin pasi shënoi nga penalltia në minutën e 65-të. Ky ishte goli i tij i tetë në Kampionat Botëror, ndërsa arriti të bëhet futbollisti i vetëm që shënon në pesë turneu të zhvilluar.
Andre Ayew arriti ta barazonte rezultatin për Ganën në minutën e 73-të, por portugezët u rikthyen me dy gola të shpejtë.
Fillimisht shënoi Joao Felix e pas tij edhe Rafael Leao.
Gana tentoi përsëri të rikthehej në lojë duke ngushtuar epërsinë e Portugalisë me golin e Osman Bukari por nuk arriti të bënte më shumë.
Portugalia e Gana ndodhen në Grupin H së bashku me Uruguai dhe Koren e Jugut, ku vendin e parë e mban Portugalia.