Me një lojë të shkëlqyer kundër Kroacisë, Lionel Messi udhëhoqi Argjentinën në një finale të re të Kupës së Botës.
Ai shënoi golin e parë nga një penallti të ekzekutuar me mjeshtëri, të cilën Dominik Livaković nuk kishte asnjë shans për ta shpëtuar.
Gjatë turneut, portieri kroat mbrojti shkëlqyeshëm, veçanërisht goditjet e penalltisë, dhe lexoi me radhë Minamino, Mitoma, Yoshida dhe Rodrigo, dhe megjithëse goditi krahun, nuk mundi të bënte asgjë për penalltinë e ekzekutuar në mënyrë perfekte të Messit.
“Estudié la técnica del arquero croata con Rulli y con el Dibu. Hablamos de que esperaba mucho. Lo mejor era sorprender y pegarle de una, en vez de esperar y aguantarlo. Cuando te aguantan mucho, es jodido. Fui decidido a patear así”.
Lionel Messi. 🇦🇷 pic.twitter.com/4glaeKZVdl
— Ataque Futbolero (@AtaqueFutbolero) December 14, 2022
Messi pranoi se në përgatitjen për ndeshjen, ai iu përkushtua veçanërisht studimit të teknikës dhe taktikës së portierit kroat gjatë ekzekutimit të penalltive dhe për këtë arsye gjuajti fort dhe lart.
“Me portierët tanë Martinez dhe Rulli, kam studiuar në detaje teknikën e portierit kroat, veçanërisht në goditjen e penalltive. E kuptuam menjëherë se ai gjithmonë e pret lojtarin deri në fund, domethënë t’i ‘tregojnë’ ku të gjuajë me të, vrapimi, shikimi dhe pozicioni i trupit.
Prandaj kuptova që nuk duhet të prisja, por të gjuaja sa më shpejt. Për të gjithë ata që presin kundër Livakoviçit, është e vështirë të shënosh gol. Kjo është arsyeja pse vendosa të gjuaj ashtu siç bëra dhe ia dola”, tha Messi.
Argjentina do të luajë finalen kundër Francës të dielën, ndërsa ndeshja është caktuar për në orën 16:00.