Policia ka arrestuar të hënën një person në Kaçanik, me dyshimin se ka ushtruar dhunë fizike dhe ka kanosje ndaj bashkëshortes së tij.
Në njoftimin e së martës, Policia bëri të ditur se i dyshuari me inicialet Q.M., është 22-vjeçar, ndërsa viktima F.M., gjithashtu 22-vjeçare.
“Policia të dyshuarin e ka shoqëruar në stacionin e policisë në Kaçanik dhe pas intervistimit nga policët hetues, me vendim të prokurorit kujdestar nga Prokuroria Themelore në Ferizaj, dërgohet në mbajtje për 48 orë”, thuhet në njoftim.
Rasti është iniciuar si “dhunë në familje” dhe “sulm”.