Benjamin Mendy është shpallur i pafajshëm për shtatë nga nëntë akuzat kundër tij.
Pas një gjyqi që zgjati gati pesë muaj, mbrojtësi i Manchester City është liruar nga gjashtë akuza për përdhunim dhe një akuzë për sulm seksual.
Megjithatë, pas 13 ditësh diskutimi në Gjykatën e Chester Crown, juria nuk ka mundur të marrë vendime për dy akuza të tjera kundër Mendy – një akuzë për përdhunim, që përfshin një grua 24 vjeç në tetor 2020 dhe një akuzë për tentativë përdhunimi, që përfshin një grua 29 vjeç në tetor 2018, raporton SkySport, transmeton Paparaci.
Shërbimi i Prokurorisë së Kurorës ka shtatë ditë për të vendosur nëse do të vazhdojë një rigjykim për dy akuzat ku nuk mund të binte dakord për një vendim.
Mendy mbajti kokën në duar ndërsa lexoheshin vendimet.
I bashkëakuzuari i Mendy, Louis Saha Matturie, është shpallur i pafajshëm për tre akuza.
Ai përballet me një rigjykim të mundshëm për gjashtë akuza.
Manchester City e pezulloi Mendin kur u arrestua në gusht 2021 dhe ndaloi pagesën e tij në shtator 2021.