Kapiteni i Përfaqësues së Kosovës, Amir Rrahmani ka rinovuar kontratën me Napolin duke i sjellë atij miliona euro në llogari.
Sipas mediumit italian “Il Mattino”, Rrahmani ka rënë dakord për vazhdimin e kontratës deri në vitin 2027, por pritet vetëm nënshkrimi i presidentit, Aurelio De Laurentiis.
Sipas mediumit në fjalë palët kanë rënë dakord, por drejtuesit e klubit nuk duan të prishin atmosferën e mirë që është krijuar në ekip.
Me kontratën e re, Rrahmani do të përfitojë 2.5 milionë euro në vit.
Në dy sezonet e fundit, 28 vjeçari ka qenë i jashtëzakonshëm në Napoli dhe për këtë merita të mëdha ka trajneri Luciano Spalletti, i cili i ka dhënë besim dhe motiv maksimal.