Pak më parë u raportua se një shpërthim ka ndodhur në Fushë Kosovë.
Lajmin e ka konfirmuar zëdhënësja e Policisë për rajonin e Prishtinës, Flora Ahmeti, e cila ka njoftuar se shpërthimi ka ndodhur në orët e hershme të mëngjesit.
“Sot rreth orës 06:00 kemi pranuar informatën për një shpërthim në rrugën “Shefki Kuleta” në Fushë Kosovë Menjëherë në vendin e ngjarjes kanë dalë njësitet e nevojshme policore të cilat po merren me rastin”, tha ajo për Paparacin
Tutje ajo ka njoftuar se nga ky shpërthim nuk ka të lënduar.
“Bazuar në të dhënat fillestare nuk raportohet për persona të lënduar, janë shkaktuar vetëm dëme materiale. Rasti është cilësuar si shkaktim i rrezikut të përgjithshëm, dhe po trajtohet nga njësitet përkatëse”, tha tutje ajo.