“Padrejtësia kudo është një kërcënim për drejtësinë gjithandej”, ky ishte mesazhi që vendosi të përçojë skuadra e Prishtinës sot.
Bardh e kaltrit e nisën ndeshjen në mënyrë proteste ndaj vendimit të FFK-së për ndeshjen e shumpërfolur ndaj Dukajginit.
Futbollistët e Prishtinës pozuan me sy ose vesh të mbyllur, duke përçuar mesazhin se drejtësia nuk ka rënë në vendin e duhur.
Gjyqtari Mentor Ajeti kishte pranuar një gol kundër Prishtinës ndeshjen e kaluar, gol ky që sipas rregullave të futbollit nuk duhej të pranohej. Vet gjyqtari Ajeti ka kërkuar falje për gabimin e ndodhur, por FFK-ja nuk ka vendosur në favor të Prishtinës.
Komisioni i Garave e ka shqyrtuar si të pa bazë ankesën e Prishtinës për përsëritjen e ndeshjen dhe kësisoj tre pikë i kanë takuar Dukagjinit.
“Padrejtësia kudo është një kërcënim për drejtësinë gjithandej”, ka shkruar në Facebook skuadra e Prishtinës shoqëruar me foton e futbollistëve.