Policia e Kosovës ka njoftuar se të enjten, në fshatin Damjan në Gjakovë, ka arrestuar të dyshuarin për kanosje me iniciale B.D..
Atij i janë gjetur e konfiskuar edhe armë e municion.
“Zyrtarë Policorë të Njësisë së Hetimeve në kuadër të këtij stacioni, kanë arritur të identifikojnë dhe të arrestojnë të dyshuarin B. D., (mashkull, shtetas i Republikës së Kosovës, lindur në vitin 1992). Në posedim të të dyshuarit janë gjetur dhe konfiskuar dy pistoleta dhe 30 copë fishekë të cilat ai i posedonte në mënyrë të paautorizuar”, thuhet në njoftimin e Policisë.
Me vendim të Prokurorit të Shtetit, në koordinim me të cilin thuhet se janë ndërmarr të gjitha veprimet hetimore, i dyshuari është ndaluar në mbajtje për 48 orë dhe ndaj tij janë iniciuar raste për “kanosje” dhe “mbajtje në pronësi, kontroll ose posedim të paautorizuar të armëve”.