Para pak minutash në transmetim direkt të reality’show “Big Brother VIP Albania” janë dëgjuar disa krisma të armëve.
Gjatë kohës që ishin duke biseduar Qetsori, Kristi dhe Nita në oborr u dëgjuan krismat e armës, ku më pas banorët u thirrën që të hynë brenda.
@albaniakrime #albaniakrime ♬ Powerful cinematic orchestra [war] – Sino
Ndërkohë më pas, Policia e Shqipërisë njoftoi se ngjarja ka ndodhur, rreth orës 01:00, në Mëzes, ku në rrethana ende të paqarta, persona të paidentifikuar kanë qëlluar ndaj ambienteve të Top Channel.
Si pasojë e të shtënave ka ndërruar jetë roja i objektit, një shtetas 60-vjeçar punonjës i një shoqërie për ruajtjen fizike të objekteve.
Policia dhe grupi hetimor ndodhen në vendngjarje dhe nën drejtimin e Prokurorisë vijon puna për zbardhjen e rrethanave të ngjarjes, dhe sekuestrimin e provave që mund të çojnë në identifikimin dhe kapjen e autorëve.
“Si pasojë e të shtënave ka humbur jetën roja i sigurisë shtetasi P. K., 60 vjeç (punonjës i një shoqërie për ruajtjen fizike të objekteve). Shërbimet e Policisë kanë ngritur pikat e kontrolleve dhe vijon puna për identifikimin e kapjen e autorëve”, njoftoi Policia e Shtetit.