Analisti Arben Ratkoceri tha se Serbisë i është shtuar pesha në rajon sidomos me ngjarjet e reja globale si konflikti Rusi-Ukrainë.
Gjatë lidhjes live nga Shkupi, analisti tha se është krijuar një “përkëdhelje” nga SHBA dhe Evropa për ta marrë Serbinë në kampin e tyre.
“Politika amerikane ndaj Serbisë ka ndryshuar dukshëm ndoshta prej fillimit të mandatit të Trump dhe tani me ardhjen e demokratëve. SHBA nuk e kanë më atë politikën e njëjtë përkëdhelëse siç e kishin për Kosovën dhe tani sidomos me kontekstet e reja globale, konfliktin Ukrainë-Rusisë, Serbisë i është shtuar pesha në rajon për shkak të një politike të saj dualiste mes Moskës dhe Perëndimit. Dhe prandaj krijohet përshtypja e një përkëdhelje më të madhe nga Evropa Perëndimore dhe SHBA ndaj Serbisë me qëllim që ta përfitojnë në kampin e tyre dhe të mos i lejojnë Moskës Zyrtare dhe një aleat si Serbia në rajon.”, theksoi ai.
“Na konvenon sepse një shtet apo një Serbi lindore nga Moska do të ishte problematike sidomos për shtetet e vogla si Mali i Zi, Bosnja, Kosova dhe Maqedonia. Serbia në këto vende në një farë forme, pesha e saj destabilizuese është e fuqishme. Në Bosnje përmes elementit serb, në Malin e Zi kanë ndryshuar rrethanat ku dihet zgjedhja e presidentit të ti, marrëveshja me Kishën. Mali i zi është nën tutelën e Beogradit. Kosova përmes veriut, elementit serb dhe kontekstit të hapur për marrëveshjen finale. Në Maqedoni, në sondazhe është evidente një pro serbizëm i komunitetit më të madh maqedonas.“, shtoi analisti për Abcnews.al, transmeton Paparaci.