Vajzat e klubit të futbollit, Prishtina kanë udhëtuar drejt Barcelonës ku do të zhvillojnë stërvitje të rregullta me njërin prej klubeve më të mirë në botë.
Nën udhëheqjen e trajnerit, Musa Selimi, futbollistet prishtinase do të kenë mundësinë të tregojnë talentin e tyre në njërën prej akademive më të mëdha në botë.
Udhëtimi i tyre drejt Barcelonës është bërë pas ftesës nga klubi katalunas, teksa lajmin e ka bërë të ditur drejtori i sportit në Komunën e Prishtinës, Granit Rugova.
Gjatë kësaj jave në Barcelonë do të zhvillohet edhe ndeshja gjysmëfinale e UEFA Women Champions League mes Barcelonës dhe Chelseat, ku futbollistet prishtinase do të kenë mundësi ta ndjekin nga afër.
Përpos stërvitjeve ata do të zhvillojnë edhe dy ndeshje miqësore.