Drejtoria Rajonale e Policisë – Prishtinë, në kuadër të masave të nevojshme policore për të siguruar rendin dhe qetësinë publike në rajonin e Prishtinës, të dielën në mbrëmje ka sekuestruar dy armë zjarri.
Në kuadër të veprimeve operative që po kryen policia me qëllim parandalimin dhe zbulimin e veprave kriminale, sot nga hetuesit e stacionit policor Veriu në Prishtinë, pas raportimit të një rasti kanosje (me 29.04.2023), dy personave u janë sekuestruar: dy armë zjarri, pesë karikatorë dhe 271 fishekë”, thuhet në njoftimin e Policisë së Kosovës.
Ndaj dy personave, janë iniciuar raste për mbajtje në pronësi, kontroll ose posedim të pa autorizuar të armëve.