Pas përfundimit të ndeshjeve gjysmëfinale, Federata e Basketbollit e Kosovës ka publikuar orarin e ndeshjeve finale mes Trepçës e Pejës.
Përkundër shumë mendimeve se kujt do ti takojë terreni vendas në ndeshjen e parë, Komisioni Arbitrar sot ka vendosur se ndeshja e parë do të zhvillohet në palestrën “Minatori” në Mitrovicë.
Ndeshja e parë do të zhvillohet të mërkurën me fillim nga ora 20:00, kurse Peja do të ketë mundësinë të luaj para publikut të saj të dielën.
Në gjysmëfinale, Peja kishte eliminuar Golden Eagle Yllin, ndërkaq Trepça eliminoi rivalin e vjetër, Prishtinën.
Orari i ndeshjeve finaleve
E mërkurë, 3 maj
20:00 Trepça-Peja
E diel, 7 maj
17:00 Peja-Trepça
E enjte, 11 maj
20:00 Trepça-Peja
E diel, 14 maj
17:00 Peja-Trepça (Finalja IV eventuale)
E enjte, 18 maj
20:00 Trepça-Peja (Finalja V eventuale)
Skuadra që arrin tre fitore do të shpallet kampion i Kosovës.