UEFA ka pranuar faljen dhe ka konfirmuar se gjyqtari polak, Szymon Marciniak do të ndajë drejtësinë në finalen e madhe të Ligës së Kampionëve.
Marciniak doli me një reagim në profilin e tij zyrtar në Instagram, ku sqaroi se ai nuk ishte pjesë e asnjë tubimi dhe nuk i përket asnjë partie politike pas raportimeve në media.
Ndërsa tashmë bëhet e ditur se UEFA ka pranuar faljen dhe sqarimin e gjyqtarit polak duke konfirmuar se ai do të jetë pjesë e finales së madhe.
Marciniak ishte raportuar të jetë parë në një tubim të një partie të djathë në Poloni, e cila përkrah homofobinë dhe diskriminimet e tjera njerëzore.
Finalja e madhe e Ligës së Kampionëve do të zhvillohet më 10 qershor në Stamboll. Në finale do të takohen skuadra e Manchester Cityt dhe Interit.