Ministri i Punëve të Brendshme, Xhelal Sveçla, ka thënë se Kosova është duke arrestuar kriminelët, ndërsa sipas tij, Serbia është duke rrëmbyer policët e Kosovës.
Sveçla ka theksuar Serbia ka rrëmbyer 3 policë të Kosovës si hakmarrje për arrestimin e shefit të ashtuquajturës “Mbrojtja Civile”, Milun Milenkoviq, i njohur si “Llune”.
“Serbia ka rrëmbyer 3 policë të Kosovës si hakmarrje për arrestimin e kriminelit Llune. Ne arrestojmë kriminelët, ata rrëmbejnë policët. Llune është një autor sistematik i dhunës që do të përballet me drejtësinë. Të dhënat e tij tregojnë krime të kryera me urdhër nga Beogradi”, ka shkruar ai në rrjetin social Twitter.
Ndryshe, autoritetet në Serbi nuk kanë ofruar informacione lidhur me tre zyrtarët e Policisë së Kosovës, për të cilët autoritetet e Kosovës besojnë se janë rrëmbyer nga Serbia.
Serbia abducted 3 police officers of 🇽🇰 as an act of revenge for the arrest of the criminal Llune. We arrest criminals, they abduct police officers.
Llune is a systematic perpetrator of violence who will face justice. His records show crimes committed w/orders from Belgrade. pic.twitter.com/3Ym6qFJhbT
— Xhelal Sveçla (@XSvecla) June 15, 2023