Rusia ka bërë të ditur se masat e sigurisë janë shtuar në Moskë, pas komenteve të liderit të grupit mercenar rus, Wagner, Yevgeny Prigozhin, se ai me trupat e tij ia ka mësyrë Moskës.
Sipas CNN, të gjitha objektet më të rëndësishme shtetërore ruse, tashmë janë nën masa të shtuara të sigurisë.
“Masat e sigurisë janë rritur në Moskë, të gjitha objektet më të rëndësishme, autoritetet shtetërore dhe objektet e infrastrukturës së transportit janë marrë nën mbrojtje të shtuar”, shkruan CNN.
Bëhet e ditur se objektet më të rëndësishme shtetërore ruse po mbrohen nga Njësia Speciale për Reagim të Shpejtë të Gardës Ruse dhe njësisë së Policisë për Qëllime të Posaçme
Rusia tha se po e heton kreun e Wagnerit për “rebelim të armatosur”, pasi ai u zotua për hakmarrje pasi akuzoi ushtrinë ruse për bombardimin e një kampi të Wagnerit.
CENTER OF MOSCOW NOW
Prigozhin has called on the Russian National Guard to join his side to fight against the Russian Army. pic.twitter.com/lljOXj3NvH
— Jason Jay Smart (@officejjsmart) June 23, 2023