Sipas mediave ukrainase, Kievi ka çliruar territoret afër qytetit Krasnohorivka në rajonin e Donetskut, të cilat kanë qenë të okupuara nga separatistët pro-rusë që nga viti 2014.
“Lëvizja e forcave tona vazhdon”, ka shkruar në Telegram komandanti i grupit operacional-strategjik të Travias, Oleksandr Tarnavsky.
“Ka sukses dhe progres të theksuar”.
Çlirimi i territoreve vjen ndërsa forcat mercenare Wagner janë nisur në drejtim të Moskës për sulm. Pas akuzave se Ministria ruse e Mbrojtjes e ka mashtruar për luftën në Ukrainë, kreu i Wagnerit, Yevgeny Prigozhin, ka lajmëruar qysh në orët e para të së shtunës se mercenarët e tij ia kanë mësyrë kryeqytetit të Rusisë.