Megjithëse në fund të sezonit Granit Xhaka u përshëndet me tifozët e Arsenalit pasi largimi i tij dukej punë e kryer, duke se situata ka marr një kthesë të papritur.
Sipas mediave angleze, transferimi i Granit Xhakës te Bayer Leverkusen dukej punë e kryer, por gjithçka duket se ka ndryshuar kohët e fundit, me Mikel Arteta që ka marrë situatën në kontroll.
Më konkretisht, sipas informacioneve të mediave në ishull, trajneri spanjoll i ka bërë të qartë zviceranit se nëse “topçinjtë” nuk blejnë shpejt një futbollist në vend të tij, atëherë ai do të vazhdojë të jetë pjesë e Arsenalit edhe në edicionin e ri, përcjellë KosovaPress.
Madje, një gjë të tillë nuk do ta ndryshonte as ardhja e Declan Rice, pasi anglezi është më shumë i lidhur me pozicionin e Thomas Partey në mesfushë.
Andaj, duke ditur faktet se Xhaka është një lojtarë shumë i respektuar i ekipit dhe gjithashtu ka pasur sezonin e tij më të mirë ndonjëherë, Arteta është duke konsideruar mbajtjen e mesfushorit për sezonin 2023/24.