Robert Gjeraj, 39-vjeç, është pensionuar nga futbolli aktiv. Gjeraj ka njoftuar për vendimin e tij përmes një njoftimi në Facebook.
Vendim i tij vjen pak muaj pasi ndihmoi Lirinë të rikthehet në Superligën e Kosovës.
“Po largohem, pasi arrita qëllimin tim me ekipin e zemrës dhe vendlindjes, andaj kjo më bën të lumtur. Personalisht dhe me shumë sinqeritet dua t’i falënderojë të gjithë drejtuesit, bashkëlojtarët, trajnerët e tifozët që më ndihmuan shumë gjatë këtij rrugëtimi tim shumëvjeçar”, shkroi Gjeraj në njoftimin e tij.
Ai falënderoi shkollën e futbollit Shkëndija nga Prizreni, Lirinë, Getoarin, Besën, Vëllaznimin, Trepçën 89′, Ballkanin dhe përfaqësuesen e Kosovës.