Komisioni Qendror i Zgjedhjeve ka njoftuar të gjithë votuesit për masat që duhet t’i zbatojnë nesër gjatë votimit për zgjedhjet lokale.
KQZ kërkon mirëkuptimin e qytetarëve për zbatimin e këtyre masave të domosdoshme me qëllim të mbrojtjes së shëndetit.
Për të votuar qytetarët me të drejtë vote duhet të mbajnë maskë mbrojtëse ndaj COVID-19 dhe distancën prej dy metrave, njofton Klankosova.tv.
Më poshtë mund të gjeni masat që duhet t’i zbatoni:
• Për të votuar duhet të mbani maskë mbrojtëse duke mbuluar hundën dhe gojën;
• Mbani distancë fizike 2 metra derisa prisni në radhë për të hyrë në qendër të votimit dhe në vendvotim;
• Gjatë hyrjes në vendvotim dezinfektoni duart;
• Pas dezinfektimit të duarve, prezantoni dokumentin e identifikimit dhe hiqni maskën mbrojtëse me qëllim që të identifikoheni nga anëtari i vendvotimit;
• Pas identifikimit, rivendoseni maskën;
• Pas kësaj ju duhet të merrni fletëvotimet dhe të hyni në kabinën e votimit për të votuar dhe në fund vendoseni fletëvotimet në kutitë përkatës;
• Në dalje të vendvotimit ju duhet t’i dezinfektoni serisht duart.
Per komunen tende. Voto!