Skuadra e Gjilanit e Dukagjinit do ta përfaqësojnë sot Kosovën në ndeshjet evropiane, në kuadër të ndeshjeve të rrethit të parë kualifikues për Ligën e Konferencës.
Gjilani, si skuadër që përfundoi në pozitën e tretë në tabelë, do të luaj në udhëtim ndeshjen e parë të këtij raundi, ku për kundërshtarë do të ketë klubin FC Progres Niedercorn nga Luksemburgu.
Ndeshja pritet të zhvillohet në stadiumi e qytetit të Diffengrade nga ora 19:30 dhe do të gjykohet nga gjyqtari finlandez, Oliver Reitala.
Përpos Gjilanit, në Ligën e Konferencës do të paraqitet edhe Dukagjini. Krejt kjo falë mos-licencimit të Prishtinës.
Dukagjini do të luaj në shtëpi në “Fadil Vokrri”, ndërsa për kundërshtarë ka skuadrën nga Gjibraltari, Europa.
Ndeshja mes Dukagjinit e Europas do të zhvillohet me fillim nga ora 19:00 dhe do të drejtohet nga gjyqtari i Ishujve Faroe, Johan Hendrik Ellefsen.