Këshilli i Sigurimit i OKB-së do të mbajë konferencë mbi situatën e fundit të krijuar në Ukrainë.
Ndër temat në rendin e ditës është pezullimi nga Rusia për marrëveshjen e drithit ukrainas, shkruan Skynews.
Delegacioni i OKB-së i Britanisë së Madhe thotë se ata do të diskutojnë “pasojat humanitare të ndërprerjes së marrëveshjes nga Rusia”.
Presidenti i Turqisë, Recep Tayip Erdogan, ka thënë se takimi me presidentin Vladimir Putin mund të çojë në rivendosjen e marrëveshjes.
Turqia nuk është aktualisht një nga 15 anëtarët e këshillit, kështu që nuk do të jetë në gjendje të kontribuojë në takimin e sotëm pasdite.
Por Rusia do të jetë atje – është, natyrisht, një nga pesë anëtarët e përhershëm të këshillit, i cili aktualisht drejtohet nga Mbretëria e Bashkuar.