Xhafer Gashi është betuar për mandatin e tretë në krye të komunës së Obiliqit, shkruan Paparaci.
Në ceremoninë inauguruese të kuvendit të kësaj komune, Gashi tha se do të punojë më shumë për mbështetjen e të rinjve, pasi siç thotë ai vetëm në këtë mënyrë e ardhmja është e garantuar.
”Plani jonë është i qartë me qytetarët do të udhëheqim. Arsimi dhe mjekësia janë prioritet i ynë. Një komb që mbështet brezat e ri e ka të ardhmen e garantuar. Studentët e dalluar, të rinjtë inovativ do të mbështetën nga komuna. Uroj për secilin prej nesh që bashkëpunimi mos të na mungojë drejt realizimit të projekteve”.
Gashi i cili këtë vit dha dorëheqje nga të gjitha pozitat në AAK, në zgjedhjet lokale garoi përmes Iniciativës Qytetare të Obiliqit./Paparaci