Policia ka arrestuar të shtunën edhe një të dyshuar për krime lufte kundër popullatë civile në Kosovë. Të premten u arrestua kryeshefi i milicisë serbe në Istog.
I arrestuari i së shtunës dyshohet se ka qenë komandant i Nën-stacionit Policor në fshatin Rakosh të komunës së Istogut.
Njoftimi i policisë:
Hetuesit policorë nga Drejtoria për Hetimin e Krimeve të Luftës (DHKL), kanë arritur që sot, më 05.08.2023, rreth orës 12:30, në fshatin Lubozhdë të komunës së Istogut të lokalizojnë dhe të arrestojnë të dyshuarin Ž.Z., viti i lindjes 1954, i dyshuar për veprën penale “Krime lufte kundër popullatës civile” të kryer gjatë vitit 1998-1999 në Komunën e Istogut.
I dyshuari gjatë kohës së luftës në Kosovë në vitin 1998-1999 ka pasur pozitën e komandantit të Nën Stacionit Policor në fshatin Rakosh të Komunës Istogut. I njëjti është sjell në zyrat e DHKL-së ku pritet të intervistohet në cilësi të dyshuarit në prezencë të avokatit mbrojtës. /Paparaci.com/