Skuadra e Prishtinës nuk do të mund të luajë në stadiumin “Fadil Vokrri” si vendase për një periudhe të pacaktuar.
Kështu, ka njoftuar të hënën kryetari i Komisionit për Gara në Federatën e Futbollit të Kosovës, Abdyl Bellopoja.
Në njoftim thuhet se arsyeja që Prishtina nuk mund t’i luajë ndeshjet kampionale në stadiumin e kryeqytetit, është për shkak se fusha është shumë e rënduar.
Kështu që, me rekomandimin e ekspertëve të UEFA-s, është kërkuar që të bëhet riparimi i tapetit për ndeshjen që Kosova e luan kundër Zvicrës në kuadër të kualifikimeve për “Euro 2024”.
Kjo ndeshje, do të zhvillohet më datën 9 shtator. Kështu që, ekipet e ekspertëve të fushës, do të punojnë për ta aftësuar atë për ndeshjen e “Dardanëve”.