Qeveria e Kosovës do të mbajë mbledhjen e 154 të mërkurën, më 9 gusht. Për këtë mbledhje janë planifikuar 11 pika të rendit të ditës.
Në këto pika do të shqyrtohet edhe Projekt-rregullorja për Fushat e Përgjegjësisë Administrative të Zyrës së Kryeministrit dhe Ministrave.
Gjithashtu, do të shqyrtohet ndarja e mjeteve buxhetore për pajisje me tekste mësimore në gjuhën shqipe për nxënësit shqiptarë që vijojnë mësimin në gjuhën shqipe në komunat e Luginës së Preshevës.
Si pikë e dytë e rendit të ditës do të bëhet shqyrtimi i Projektligjit për Ratifikimin e Marrëveshjes mes Kosovës dhe Gjermanisë për Projektin Mbështetja për Zhvillimin e Qëndrueshëm të Sektorit të Bujqësisë.
Sot do të shqyrtohet edhe Drafti i Koncept-Dokumentit të MINT për Mbikëqyrjen e Tregut dhe gjithashtu një marrëveshje tjetër me Bankën Ndërkombëtare për Rindërtim dhe Zhvillim që ka të bëjë me përmirësimin e sistemit të ujitjes. /Paparaci.com/
