Deputeti i LVV-së, Arbër Rexhaj, ka hedhur akuza ndaj kryeprokurorit të Prokurorisë Speciale, Blerim Isufaj, duke thënë se ai po shantazhon me arrestimin e mundshëm të ministres së Industrisë, Ndërmarrësisë dhe Tregtisë, Rozeta Hajdari.
Dy zyrtarë të MINT-it dhe biznesmeni Ridvan Muharremi janë arrestuar të premten dhe ndaj tyre është caktuar masa e paraburgimit prej 30 ditësh, pas dyshimeve për dallavere me rezervat shtetërore.
Por, Rexhaj shprehet se meqenëse Isufaj po ia bën agjendën prokurorit të rastit, atëherë “le ta merr vetë këtë rast”, transmeton Paparaci.
“Blerim Isufaj, kryeprokurori i Speciales, ai që ia ka hequr fletëarrestin Radojiçiqit për rastin e vrasjes së Oliver Ivanoviqit, nuk po lë vend pa shantazhuar me “këtë javë do arrestohet ministrja””, shkro ai në Facebook.
“Meqë kryeprokurori ia bëka agjendën prokurorit të rastit, le ta marrë vet këtë rast, ta shfryjë gjithë mllefin që ka me qeverinë. Kështu me gjasë shpreson pak, edhe ca ditë s’e do ta kontrollojë zgjedhjen e pozitave drejtuese në sistemin prokurorial këtë mes shtator”, shtoi Rexhaj.