Kampioni i Kosovës, Ballkani, ka vazhduar me paraqitjet fenomenale në garat evropiane. Ballkani shënoi fitore me rezultat 4:1 ndaj Bate Borisovit në ndeshjen e parë të fazës së “play-off”-it.
Ballkani e nisi furishëm takimin, por u ndëshkua nga Bate në aksionin e parë. Denis Laptev shënoi në minutën e 10-të për 1:0, por kampioni i Kosovës nuk u dorëzua.
Trashi, Gripshi e Korenica rrezikuan portën kundërshtare, por goli erdhi tek në minutën e 31-të. Mbrojtësi Bajram Jashanica shënoi për 1:1 pas një goditje të saktë me kokë.
45 minutat e parë të takimit u mbyllën me rezultat të barabartë, mirë Ballkani befasoi kundërshtarin në pjesën e dytë.
Sulmuesi Bleart Tolaj përmbysi rezultatin në minutën e 58-të të takimit, teksa shënoi edhe një tjetër gol pas nëntë minutave.
Golin vendimtar të takimit e shënoi Armend Thaqi. Ai realizoi një supergol për 4:1 në minutën e 90-të të takimit.
Edicionin e kaluar, Ballkani shkroi historinë duke u bërë skuadra e parë kosovare që arrin fazën e grupeve në një kompeticion evropian, teksa tani ndodhet vetëm një fitore larg për ta përsëritur historinë.