Një djalë 14-vjeçar është gjetur pa shenja jete të martën pasdite në Ferizaj.
I mituri dyshohet se i ka dhënë fund jetës së tij, bazuar indikacionet e hetimeve të Prokurorisë së Shtetit, ka mësuar Paparaci.
Rasti i 14-vjeçarit (identiteti i të cilit është i njohur për redaksinë) është raportuar në Policinë e Kosovës rreth orës 17:00 të martën, bëri të ditur policia në një njoftim për media.
Rasti në polici është iniciuar fillimisht si “vdekje e dyshimtë”.
“Viktima mashkull kosovar i mitur është gjetur pa shenja jeta. Me vendim të prokurorit, trupi i pajetë i viktimës është dërguar në IML për obduksion”, tha policia në raportin 24-orësh.
Policia tha se lidhur me rastin është informuar e konsultuar edhe prokurori.