Presidentja e vendit, Vjosa Osmani, e cila po qëndron në Nju Jork ku po mbahet sesioni i 78-të i Asamblesë së Kombeve të Bashkuara, ka zhvilluar një takim me presidentin e Republikës Islamike të Mauritanisë, Mohamed Ould Cheikh El Ghazouani.
Në takim Osmani e ka falënderuar për mbështetjen për Kosovën ndër vite, si dhe ka theksuar rëndësinë e thellimit tutje të marrëdhënieve bilaterale, ka njoftuar Presidenca.
“U diskutua edhe për mundësitë e bashkëpunimit dhe shkëmbimit ekonomik dhe tregtar, si dhe në fusha të tjera të interesit të përbashkët”, është theksuar në njoftim.