Remzi Ejupi edhe zyrtarisht nuk është më në krye të klubit të futbollit të Prishtinës.
Në mbledhjen e jashtëzakonshme të bordit të Prishtinës, të mbajtur të enjten, Rrahman Haradini është zgjedhur president i ri i klubit dhe aksionari më i madh.
Ejupi ishte në krye të Prishtinës për gati dy dekada. E mori drejtimin në vitin 2004.
Drejtori i Përgjithshëm i FC Prishtinës, Artan Osmani tha sot pas mbledhjes së jashtëzakonshme të bordit, se kryetar i bordit të sapozgjedhur është caktuar Rrahman Haradini.
Afaristët Hashim Deshishku dhe Ragip Mustafa po ashtu janë pjesë e bordit të klubit, tregoi Osmani.
“Anëtarë të bordit dhe nënkryetar janë Ragip Mustafa dhe Hashim Deshishku, Beqir Çerkezi dhe Fatos Hoxha. Kryesues i bordit është Rrahman Haradini”, tha Osmani.