Deputeti i PDK-së, Hajdar Beqa, ka replikuar me kolegen e tij nga LDK-ja, Doarsa Kica-Xhelili pasi kjo e fundit s’është pajtuar me mënyrën se si Beqa e ka përçmuar deputeten e LVV-së, Mirlinda Tishukaj-Sadikun.
Beqa, në një replikë me Tishukaj-Sadikun në Kuvendin e Kosovës të enjten, ka thënë se “nuk e di pse flasë me ty”.
“Ti burrin nuk e di në cilën parti e ki. Më vjen keq që bëj debat me ty. Me të vërtet më vjen keq. Të respektoj si femër por si profesioniste ti s’e di çka ke shkruar aty”, i ka thënë Beqa, deputetes Tishukaj-Sadiku.
Gjuhës seksiste të deputetit Beqa i ka reaguar deputetja e LDK-së, Doarsa Kica-Xhelili.
Kica-Xhelili ka thënë se Beqa duhej t’i drejtohej deputetes Tishukaj-Sadiku me më shumë respekt.
Pas kësaj e ka marrë fjalën deputeti i PDK-së, Hajdar Beqa, duke i kërkuar deputetes së LDK-së që të mos merret me fjalimet e të tjerëve, meqë s’i është kërkuar këshillë.
“I respektoj edhe burrat edhe gratë. Po e kam traditë familjare me i respektu gratë ma shumë. S’je msuse as drejtoreshë këtu me na mësu cka me thanë. S’tkemi kërku këshillë”, ka thënë ai.