Kanë përfunduar dy ndeshjet e sotme të Superligës së Kosovës, ku kemi rezultate tejet interesante.
Pas plot 90’ minutave lojë të zhvilluara në stadiumin “Fadil Vokrri”, Prishtina ka barazuar 2:2 me Dukagjinin.
Prishtina kaloi në epërsi 1:0 përmes Krasniqit, ndërsa Muja me një autogol në minutën e 30’ barazoi shifrat 1:1. Një autogol tjetër nga Basri kaloi më pas Prishtinën në epërsi prej 2:1 në minutën e 45+1’.
Ndërkaq, golin e fundit të ndeshjes dhe të barazimit për Dukagjinin e shënoi Merlaku në minutën e 55’ të ndeshjes.
Po ashtu, krahas këtij takimi u zhvillua edhe ndeshja mes Feronikelit ’74 dhe Dritës, ku kjo e fundit regjistroi fitore solide 2:0.
Golat e fitores për Dritën i shënoi Blerim Krasniqi (minuta e 33’ dhe 77’).
Rezultatet finale:
Prishtina 2:2 Dukagjini
Feronikeli ’74 0:2 Drita