Kampioni i Kosovës, Istogu, ka arritur sukses të madh të dielën mbrëma në garat evropiane.
Klubi i hendbollit Istogu ka fituar 29:27 ndaj skuadrës portugeze 1 Maio/Ada dhe është kualifikuar në raundin e tretë të Kupës Evropiane për hendbolliste.
Ndeshja është luajtur në palestrën “Karagaçi” në Pejë, ku skuadra portugeze të shtunën fitoi 31:30.
Të dielën istogaset kanë shfaqur ndeshje dukshëm më të mirë. Ishin vazhdimisht në epërsi dhe në fund morën fitoren që ua siguron kualifikimin.