Deputetët e Aleancës për Ardhmërinë e Kosovës, Besnik Tahiri e Pal Lekaj vendosën pankarta me mbishkrimin “E harruat policinë!” para nisjes së seancës së Kuvendit të Kosovës të enjten.
Pankarta ishte mesazh për qëndrimin e Lëvizjes Vetëvendosje që e ka kundërshtuar rezolutën për mbështetjen urgjente financiare të Policisë së Kosovës.
Tahiri i AAK-së u pa në kuvend duke përdorur dhëmbët për të prerë ngjitësin që i duhej për ngjitjen e pankartave në kuvend.
Konjufca i ofroi ndihmë dy deputetëve.
“A po i doni do gërshan se me dhëmbë problem është”, i tha Konjufca, Tahirit.
Komunikimi mes tyre shkaktoi të qeshura në kuvend.