Prokurorja e rastit ka kërkuar caktimin e masës së paraburgimit për tre personat e ndaluar për vrasjen e trefishtë në Gllogjan të Deçanit.
Lajmin e ka bërë të ditur zëdhënësi i Prokurorisë Themelore të Pejës, Shkodran Nikçi.
Nikçi tha se kërkesa e prokurores së rastit u elaborua sot në seancën e procedurës paraprake në Gjykatën Themelore në Pejë.
“Tre persona janë ndaluar për rastin e vrasjes së trefishtë në Gllogjan dhe plagosjen e një personi, me ç’rast prokurorja e çështjes brenda afatit ligjor ka parashtruar kërkesën për caktimin e masës së paraburgimit. Me ç’rast, kjo kërkesë është elaboruar sot gjatë seancës e procedurës paraprake dhe shpresojmë që gjyqtari të marr vendim për këtë kërkesë”, tha Nikçi.
Tutje, Nikçi u shpreh se se për shkak të ndjeshmërisë së rastit nuk do të japin më shumë detaje.