Kryetari i Prishtinës Përparim Rama ka njoftuar se të gjitha koncertet, festivalet, shfaqjet e ndryshme, do të realizohen tash e tutje në skenën e re të krijuar në ish sallën e djegur të Pallati i Rinisë.
Salla e madhe, në të cilën u realizua Festivali i Parë i Këngës, do të përdoret për aktivitete të tjera kulturore.
“Ky institucion u përket qytetarëve, artistëve, sportdashësve e të gjithëve që duan të shprehin talentin e tyre në këtë skenë. Me këtë u pajtuan drejtori i RTK-së, Shkumbin Ahmetxhekaj me ekipin fantastik të skenografeve, gjatë vizitës që i bëmë hapësirave të Pallatit“, ka shkruar Rama.
Tutje, ai theksoi që është informuar nga kryeshefja e kësaj ndërmarrje që ambientet e Pallatit çdo ditë po pastrohen aty ku ka nevojë.