Kuvendi i Kosovës në seancën e sotme nuk ka pasur kuorum për ta shkarkuar Agron Bekën nga pozita e anëtarit të Këshillit Prokurorial të Kosovës (KPK).
Shqyrtimi për shkarkimin e tij erdhi me rekomandim të Komisionit për Legjislacion, raporton Paparaci.
Kryetari i komisionit, Adnan Rrustemi në arsyetimin e tij deklaroi se i njëjti nuk ka ushtruar detyrën e tij në pajtim me kushtetutën dhe ka vepruar në kundërshtim me detyrat dhe përgjegjësitë e tij.
“Dyshime serioze se Beka ka keqpërdorur pozitën e anëtarit në KPK për të avancuar pozitën e tij brenda Universitetit të Mitrovicës”, tha ai.
Tutje ai thotë se ka ndikim negativ në Këshillin Prokurorial të Kosovës.