Nën masa të papara të sigurisë do të zhvillohet ndeshja kualifikuese për Kampionatin Evropian mes Kosovës e Izraelit.
Ndeshja e mbetur e Grupit I do të zhvillohet me fillim nga ora 20:45, ndërsa stadiumi “Fadil Vokrri” tashmë vetëm se ka filluar të mbushet.
Tifozët do të përballen me kontrolle të rrepta të sigurisë nga Policia e Kosovës me qëllim të mbarvajtjes së rregullt të ndeshjes.
Numër i madh i pjesëtarëve të Policisë së Kosovës është parë gjatë tërë ditës në rrethinën e stadiumit “Fadil Vokrri”, ndërsa ekipi i Izraelit është sjellë nën përcjelljen e njësive elitare të policisë.
FFK-ja e Policia e Kosovës kanë njoftuar dje për rregullat strikte që do të ndiqen sot.
